Sain an Katotoohan

Ginusto asin minawot na gibohon

Kan saiyang ama asin inang mabooton

Sa pagkamoot siya padakulaon

Iniatang sa Ama asin pagsadirihon

Sinimbag pangapodan ni Cristo

Maogmang naglaog sa seminaryo

pinopormang padi saiyang pagkatawo

Susog sa ladawan ni Cristo.

Promenenteng tawo saiyang mimidbidon

Hararayong lugar saiyang aaboton

Lumang mga libro saiyang babasahon

Napapagal na espiritu saiyang pakapanuon

Tulala sa gabos na mga nakaagi

Luha minabulos sa mga pisngi

Mantang minasabi.

“ sain an katotoohan sa ngunyan na pangyayari?”

Katotoohan saiyang gustong maaraman

Ganot

Kapagalan,

Kasakitan,

Saiyang titiuson

Makamtan sana saiyang kamawotan.