Saimong Lalawgon.

Haleon mo an pagka purisaw sa puso ko.

Pakusugon mo an mga kaluyahan ko.

Paugmahon mo an nalulumbay na espiritu.

Pabayaan mo ako na parungon

an mapreskong duros.

Pabayaan mo ako na mamatean

an hapiyap kan saimong kamot.

Pabayaan mo na mahiling ko pagkatawo mo

sa likod kang misteryo.

Pabayaan mong maghanap saimo

an sakong kalag asin pabayaan mong mapaha

an sakong espiritu sa saimong bukal na tubig.

Nin huli ta aram ko pag tunaw

na an kinaban yaon ka tangarig

ako saimong padaguson sa saimong

mayong katapusan na kaugmahan

Duman sakuyang,

paparungon...

mamateon...

mahihiling....

maghahanap...

mapapaha...

Sa gayon kan saimong lalawgon

.