Kulog

Aldaw na kita magkaibanan

duman sa dalan

Satong pinahayag an

pagkaminootan

Ngunyan saro na sanang

pangaturugan

na dai na magkakatotoo nuarin pa man.

Ginugurumos kan kulog

an sakong pagkatawo.

Dikit dikit na tinutunaw

lalawgon mo sa isip ko

Luway luway na nalilingawan

mga pangako

“ na ika asin ako magiging saro”

Padagos an sakong pagbaklay

Dawa ngani dai ka kasabay

Asin ako mayo nang kadamay

Ta ika sako nasuhay.