An Saimong Ina

Sa pagkamoot ka niya pinorma

Nagtaong hinangos kaibahan saimong ama.

Saiya na an gabos

Kan ika sa tulak binabados

Sa pananabik saimo ika hinahapiyap

Sa saiyang tulak hinahanap

Sa kulog namimiripit

Pinipirit dawa gurano kasakit.

Hibi mo nagdara nin kaogmahan

Lalo pa kan kinugos ka sa saiyang daghan.

Sa kamatangaing bangi minabangon

Tanaganing ika sana hilingon.

Dai mapauntok kun ika may helang

Aldaw bangi sa Dios nagaarang.

Sa saimong paglakaw siya nakabantay

Mapadapla ka man, yaon siya ta maalalay.

Sa kamunduan siya an pararanga

Gigibohon an gabos, ika magi sanang maogma.

Siya an panangga mo sa init kan saldang

Asin sa bagyong nagdadangadang.

An kabanga kan pagkatawo mo

Kabanga kan pagkatawo niya.

Daing iba kundi an saimong

Ina.